‘O le ‘Au‘aunaga Muamua a le soifua mālōlōina ‘o se vāega o ‘au‘aunaga a le soifua mālōlōina e fai i totonu o alaalafaga  (komiunitī) ma ‘o le nofoaga lenā e māsani ona āfea muamua e so‘o se tagata.

‘O nei nofoaga e tele igoa ‘ese‘ese e fa‘aigoa ai i so‘o se itū o le atunu‘u; ‘o igoa ta‘atele nei e pei o le Medical Centre, Family Doctor, Family Health Centre po‘o le GP Surgery.  ‘O le igoa fa‘atulagaina o le Tausiga Muamua e Māsani ai.  ‘O lenei upu e fa‘ailoa mai ai o nisi o le  ‘aufaigāluega o le soifua mālōlōina e pei ‘o tama‘ita‘i tausi ma‘i, foma‘i o le māfaufau ma fa‘atosaga, ‘olo‘o gālulue ai fo‘i, ‘ae lē na‘o fōma‘i māsani. ‘O le tausiga ‘āmata o le soifua mālōlōina  e tele ina ‘āmata ai fa‘atalanoaga ma le fa‘asino ma ‘āmata ai ona fai togafitiga. Tusa pē fa‘asino se ma‘i i se fōma‘i fa‘apitoa i le tausiga tūlaga lua (ia e māsani ona faia i totonu o falema‘i) o lau fōma‘i māsani (GP) e logoina i ai le fa‘agāsologa ma ‘ave i ai le līpoti pe‘ā te‘a i tua mai le falema‘i.