Ko ngā Whakahaere Hauora Tuatahi te ara e tiaki ai te Kāwanatanga kei te whai huarahi ngā tāngata katoa ki tētahi rata ā-whānau (GP) me tētahi mahi atawhai hauora tuatahi. Kei roto i te PHO ko ētahi mahi atawhai hauora tuatahi e mahi ngātahi ana ki te tiaki i ngā tūroro kua rēhitatia ki a rātou.

E 31 ngā PHO huri noa i te motu, he mea utu nā ngā Poari Hauora ā-Rohe (DHB). He kawenga tō rātou kia kōrero tahi me te iwi kāinga mō ngā ratonga e pīrangi ana rātou.

Whiwhi pūtea ai ngā PHO i te Manatū Hauora hei utu tāpiri mō te atawhainga hauora o ā rātou tāngata kua oti te whakauru. Hei utu tēnei i te atawhainga me te maimoatanga o te hunga māuiui, i te tiakitanga o te iwi kia noho hauora, i ngā kōkiri hoki hei whakapā atu ki ngā rōpū māuiui i te hapori tērā anō pea e mahue ki waho. Kei te wātea anō he pūtea tāpiri mō ētahi tāngata rawakore, rōpū rawakore rānei. 

http://www.health.govt.nz/our-work/primary-health-care/about-primary-health-organisations