Ka whai pānga ētahi take ki te utu kia kite i tētahi tākuta, i tētahi atu tohunga hauora i te tari rata, kia tango rānei i ētahi whakamātau.  Kāore he utu o ētahi mea, pērā i ngā whakatō kano ārai mate mā ngā tamariki, otirā ko te tikanga ka whakahekea te utu mā ngā tamariki i raro i te ono tau te pakeke, i raro i te 18 ngā tau, kei runga i te 65 rānei ngā tau. Tērā hoki koe e kite he nui kē te utu kite i tō tākuta i te Rāhoroi, i tō te Rāhina ki te Rāmere. Kia manako hoki ngā manuhiri ki tēnei whenua kia nui atu te utu mā rātou i tō ngā tāngata whenua. Ka rerekē ngā utu o waenganui i ngā tari rata, nā reira, me āta rapa i tō tari rata, te paetukutuku o te PHO kāinga rānei kia hia rā tāu e manako kia utu. Kei te whakaaturia hoki ēnei taipitopito i ngā papa pānui o ētahi taiwhanga tatari.